Во една пештера во Германија откриени се цртежи од камено доба на кои се прикажани голи жени во еротски пози, а за кои археолозите веруваат дека се користени за време на ритуалот за плодност...
Археолозите од Управата за заштита на историските споменици во Баварија по повеќедеценијско истражување откриле примитивни цртежи во пештера недалеку од Бамберг, на југот од Германија.
Се проценува дека цртежите се стари околу 12.000 години, што ги прави најстари уметнички дела од каменото доба на тлото на Германија, се истакнува во студијата објавена во неделното списание Zeit.
Археолозите наведуваат дека цртежите „содржат шематски прикази на женското тло како и неидентификувани симболи“.
Засега најстарите праисториски цртежи на светот, пронајдени во една пештера на југот од Франција, се настанати пред повеќе од 30.000 години.
