Апартманот во кој Ана Франк престојувала за време на Втората Светска Војна е претворен во музеј во кој утре ќе бидат изложени дневниците и други нејзини ракописи по повод 80-годишнината од нејзиното раѓање, 12 Јуни 1929 година. Ана Франк починала на 15 години во концентрационен логор, а нејзините дневници постхумно се објавени и претставуваат симбол кој не потсетува на сите убиени евреи во Втората Светска Војна. Ана ги пишувала своите дневници додека се криела од нацистите во таен стан над склад за стока во Амстердам. До денес нејзините ракописи биле чувани во Холандскиот Институт за Воена Документација.