Во Венеција денеска е првиот ден од Карневалот, еден од најпознатите фестивали под маска во светот.

Се очекува неколку илјади маскирани жители и туристи да присуствуваат на церемонијата на отварањето на булеверот Свети Марко, додека во недела ќе биде одржан главниот настан, традиционалниот „Лет на ангелите“, за време на кој маскирана личност, која претставува ангел, се спушта низ конец распнат од врвот на камбаната на најпознатиот венецијански булевар.

Карневалот, кој ќе трае до 21 февруари, ќе биде завршен на истото место со групен бакнеж на полноќ и голем огномет над венецијанската лагуна.

Познатиот Венецијански карнавал првпат е одржан во далечната 1296 година, иако се претпоставува дека настанал порано. Во неколку наврати бил забрануван, последен пат за време на владеењето на Мусолини, за повторно да почне да се организира од 1979 година.

За време на Карневалот, чија тема оваа година е „Животот е театар“, секојдневно ќе бидат организирани театарски претстави, концерти и балови.