Ана Франк доби своја восочна фигура во музејот Мадам Тисо во Берлин.

Во познатиот германски музеј за восочни фигури, Мадам Тисо во Берлин, вчера е претставена восочната фигура на Ана Франк, еврејско девојче кое за време на нацистичкиот прогон водела дневник за сите ужаси и воени страдања низ кои поминала таа и нејзиното семејство.

По германската окупација, семејството Франк од 1942 година живеелo во тајно скривалиште, се додека во 1944 година не ги открил Гестапо и ги одвеле во концентрациони логори.

Ана починала на 31 март 1945 година на 15 годишна возраст во нацистичкиот концентрационен логор Берген-Белсен, северна Германија.