Драмското дело за животот на починатата пејачка ќе биде претставено следната година во Данска...

Драмската претстава едноставно се вика Ејми, и зборува за животот на Ејми Вајнхаус, нејзината кариера, качувањето до славата, несреќните љубовни врски, проблемите со наркотичните средства и алкохолот.

Претставата премиерно ќе биде изведена во Копенхаген на 20 јануари 2013 година, а театарската трупа на "Danish Royal Theatre"  во соопштението наведува дека акцентот ќе биде на "енормниот притисок која 'сензационалистичката јавност' го ставала на младата пејачка додека се соочувала со проблемите."

Претставата ја направила група од 11 луѓе собрани под името "Det roede rum", а сценариото е составено од материјли од нејзините концерти, интервјуа, телевизиски гостувања.

По премиерата во Данска, претставата  би требало да биде изведена и во другите земји, а прва на листата е Велика Британија.