Еротскиот роман на Е. Л. Џејмс станал предмет на факултет.

Американскиот универзитет во Вашингтон од следниот семестар на студентите им го нуди предметот „Педесет нијанси на сиво“ во рамки на студирањето на современата култура.

Професорката Стефани Вудс најави дека низ длабока анализа на трилогијата ќе ги обработи темите на сексуалност, објективност, социјалните медиуми и насилството.

Студентите ќе ја анализираат приказната која ја следи садо-мазо врската на мистериозниот бизнисмен и наивната студентка, и ќе одговара на прашањата како што се „Дали главните ликови се во здрава или насилна врска?“, „Каква е улогата на социјалните мрежи за успехот на книгата?“ и други.

Професорката Вудс рече дека за тој предмет, поради огромниот интерес, веќе е направена листа на чекање.