Одборот за доделување на награди во Стокхолм објавил дека германската писателка која е родена во романскиот Banat, Herta Mueller (53 години) е добитничка на овогодинешната Нобелова награда за книжевност. Во објаснувањето на Кралската Академија во Стокхолм пишува дека Herta Mueller со јазик компримиран како лирика и искрен како во проза, го опишува и анализира светот.



Herta Mueller е родена на 17 Јуни 1953 година, во романски Banat во местото Nitzkydorf.  За време на студиите по германистика и романска книжевност во Temishvar, се залагала за слободата на говорот, а веќе и со првите книги имала проблеми со цензорите. Набргу потоа е избркана од работното место во една фабрика, само затоа што не сакала да соработува со тајната служба Securitate. Зато што во другите држави зборувала против диктатурата на Чаушеску, повеќе не можела своите текстови да ги објавува во Романија, па во 1987 година со својот сопруг емигрирала од Романија во Берлин каде и денес живее. Нејзиниот ангажман продолжил и на Запад, па се отпишала од Германскиот PEN затоа што не сакала да биде во исто друштво со писателите од поранешната DDR, кои соработувале со тајните служби. Herta Mueller во своите дела најчесто се занимава со животот на Романија за време на диктатурата. Доживувајќи механизми на насилство и репресии од диктатурата на Чаушеску и на сопствената кожа, Mueller во своите книги понекогаш и лирски-надреалистично ја испишува хрониката на страдањата, изолираноста и загрозеноста на човекот во тоталитарниот состав.

Четири нејзини книги се преведени на англики јазик. Пишува романи и есеи, а во Хрватска, издавачката куќа OceanMore објавила 2 нејзини романи. Hert Mueller е една од водечките писатели во Германија, повеќепати наградувана, а за романот „Ремен, прозорец, орев и јаже“ меѓу останатите награди, ја доби и наградата IMPAC Dublin.

Mueller ќе добие парична награда во износ од 1.4 милиони долари.