На една листа од 100 омилени книги во Велика Британија, доминираат класиците на светската книжевност. Што читате вие?

Романот „Гордост и предрасуди“ од Џејн Остин е на врвот на листата на 100 омилени книги на британските просветителски работници, покажуваат резултатите од истражувањето на додаток на Times за образование (TES).

На второ место е култниот американски роман „Да се убие птица-потсмевачка“ од Харпер Ли, а на трето серијалот книги за младиот волшебник Хари Потер од Џоан Роулинг.

Листата, составена на основа на одговорите на 500 учители и наставници, претставува „ремек-дело на ерудиција и забава“, смета уредникот на додатокот TES, Џерард Кели, додавајќи сека во првите десет, ако се занемари „упадот“ на Хари Потер, се нашле само класици, од Орвел до Толкин.

На листата се и романите на Томас Харди, Чарлс Дикенс и Лев Толстој, но и сликовници чие значење, според мислењето на професионалците, често се неправедно занемарувани.

Меѓу избраните книги се и оние наменети за поголемите деца, како што е романот „Палавци“ на Роалд Дал и серијалите „Самрак“ на Стефани Мајер и „Игрите на гладните“ на Сузан Колинс.