Две дела од Енди Ворхол на престојните аукции во Њујорк би можеле да достигнат "цифра" од 100 милиони долари...

Во Њујорк во ноември ќе се одржи аукција на која на продажба ќе бидат понудени дела од легендарниот поп-арт уметник Енди Ворхол. Станува збор за делата "Coca-cola(3)" и "Silver Car Crash (Double Disaster)".

Аукциската куќа "Кристи" прценува дека делото настанато во далечната 1962 година, "Coca-cola", ќе достине цена од 40 до 60 милиони долари.

Делото "Silver Car Crash (Double Disaster)", дел од серијата на Ворхол "Смрт и Катастрофа", било во приватна колекција од 1988 година. Аукциската куќа "Сотеби" очекува дека ќе биде продадено за 60 милиони долари.

Сликите на Енди Ворхол биле најпродавани на аукциите во 2012 година заработуваји 380,3 милиони долари.