Индијскиот храм Сре Падманабасвами во државата Керали веројатно го криел најголемото богатсвто од сите останати храмови на светот, вредно милијадри долари...

Тајните подземни простории на храмот сите овие години криеле стотина килограми богатсво кое до сега е проценето на 500 милијадри рупи, односно 11 милијарди долари. Таа процена ја потврди државниот секретар К. Јајакумар. Моментално трае селекционизирање на откритието и детална археолошка процена на мноштвотот златни предмети, дијаманти и други скапоцени и благородни метали, за да се открие вистинската вредност, која може да биде и поголема од споменатата бројка. Во првите проценки се зборувало за цифра од неколку стотини милиони долари.

Богатсвтото е пронајдено во најмалку пет тајни одаи во подземјето на храмот, а се работи за најдрагоцени метали и други камени на светот. Освен злато и сребро, овде има дијаманти, рубини, смарагди, огрлици од драги камења подолги од пет метри, златници, садови од благородни метали и т.н. Државниот секретар изјави дека уште една тајна просторија треба да биде отворена.

Тајните одаи отворени се за прв пат по 130 години откако Врховниот суд одредил дека имотот на храмот треба да се довери на чување на индијската Влада. Судот донел таква одлука затоа што е проценето дека кралското семејство Траванкор, која во 16 век го изградила храмот, не е во можност да го заштити тој имот. Излегло дека се работи за богатство со голема вредност.