Излезе првиот трејлер за новиот холивудски блокбастер „Игрите на гладните“...
Романот за тинејџери ја следи младата Кетнис Евердин, која во постапокалиптична Америка мора да учествува во Игрите на гладните, годишен настан кој се пренесува на телевизија, а во кој по едно момче и едно девојче од сите 12 реони се борат до смрт. Критичарите оваа книга ја споредија со „Тркачот“ и „Долга прошетка“ на Стивен Кинг.
Главните улоги во адаптацијата на тинејџерскиот роман ги толкуваат Џенифер Лоренс, номинирана за Оскар за улогата во филмот „Зимска коска“, Вуди Харелсон, Лени Кравиц, Џош Хачерсон, Стенли Тучи, Елизабет Бенкс и други.
