Анимираниот филм Rango ги собра најголемите признанија на овогодишното доделување на Ени наградите во Лос Анџелес.
Анимираниот филм на Гор Вербински („Пиратите од Карибите“) за авантурите на камелеонот по име Ранго, чиј глас го позајмува Џони Деп, е прогласен за најдобар анимиран филм во изминатата година.
Освои уште три награди во катергориите за најдобро сценарио, најдобра монтажа и најдобар дизајн на херој.
Rango исто така е номиниран и за наградата на Американската филмска академија за најдобар анимиран филм.
Филмот Kung Fu Panda 2 е добитник на наградата за најдобра режија и сценографија, додека Tintin на Спилберг ги собра наградите за најдобра музика и најдобри анимирани ефекти.
По еден Ени трофеј добија и филмовите Arthur Christmas, Rio, Winnie Pooh, Rise of the Planet Apes и Transformers: The Dark of the Moon.
