Поради неговите значајни улоги во акциони филмови, Џејсон Стејтам смета дека треба да се воведе посебна категорија на награди за доделувањето на "Оскар", наменета за каскадери...



„Мислам дека е запоставена категоријата, со оглед на големата одговорност што тие ја имаат за забава и акциони филмови. Сите каскадери се вистински херои, ризикувајќи ги своите животи, а никој не ги фали. Тоа е неправда“, рекол актерот, додавајќи дека е срамно за некои од неговите колеги, што снимаат сцени со помош на визуелни ефекти.

„Мене ми е целосна фарса кога некој тим стои пред проклетиот зелен екран и го искривува лицето, преправајќи се дека изведува опасна сцена. Тоа навистина ме фрустрира бидејќи знам колку се талентирани каскадерите, бидејќи тренирам со нив цело време“, рекол Стејтам.