Британскиот актер Бен Вишо, кој во последниот филм на Џејмс Бонд "Skyfall" се појавува во улога на Кју, ќе ја толкува улогата на Фреди Меркјури, во режија на Декстер Флечер, пишува „Deadline“...



Гласините дека Вишо ќе ја толкува улогата на фронтменот на групата „Queen“ започнале уште кога Саша Барон Коен го напуштил проектот, но, сега и официјално е потврдено.

Филмот за Фред Меркјури ќе го опфати животот на пејачот од почетокот на кариерата, се до настапот на групата на "Live Aid" концертот во 1985 година.

Инаку, Флечер го имал неговото режисерско деби во 2011 година со филмот „Wild Bill“.