Paramount Pictures објави дека Том Круз ќе настапи во "Невозможна мисија 4", која во кината треба да се појави на крајот од мај 2011 година...
Том Круз и режисерот на "Невозможна мисија 3" Џ.Џ Абрамс претходно се согласиле да го продуцираат четвртиот филм во серијалот, но не беше познато дали Том Круз повторно ќе настапува во насловната улога.
Овој пат Абрамс само ќе го продуцира и ќе бара режисер кој би го снимал новото продолжение. Џош Еплбаум и Андре Немец пишат сценарио на идејата на Круз и Абрамс. Филмот повторно ги обединува Круз и Paramount кој со актерот го прекинал долгогодишниот договор во 2006 година.
