Харисон Форд беше прогласен за најдобар американски претседател на малите екрани...
Тој е прв победувајќи го Мајкл Даглас и Бил Пулман во онлајн листата на страницата MovieTickets.com. За улогата на претседателот Џејмс Маршал во филмот "Ер Форс 1", Форд доби 38% од гласовите на учесниците во анкетата спроведена изминатиот викенд по повод Денот на претседателите.
Улогата на Даглас како претседателот Ендрју Шепард во филмот од 1995 година "Американскиот претседател" го смести на второто место со 21%. Бил Пулман, кој го одглуми претседателот Томас Витмор во "Денот на независноста", остана на третото место. Во топ петте влегуваат Морган Фриман за "Смртоносно влијание" и Џек Николсон за "Марс напаѓа".
