Третиот најпопуларен филмски серијал во историјата „Ѕвездени војни“ наскоро ќе биде достапен за корисниците на најпопуларните светски репозиториуми за дистрибуција на апликации, музика и филмови...



Откако првиот филм, од вкупно шест, од франшизата „Ѕвездени војни“, на легендарниот Џорџ Лукас, се појави во 1977 година во кината, до 2008 година шест филмови вкупно заработиле неверојатни 4,27 милијарди американски долари. После серијалот за Џејмс Бонд и Хари Потер, „Ѕвездени војни“ се третата најуспешна филмска франшиза во историјата, што е податок вреден за восхит. Стотици милиони обожаватели на „Ѕвездени војни“ најверојатно ги имаат сите шест наслови во архивата. Токму тие луѓе ќе ги израдува оваа вест.  

Сите шест филмови на „Ѕвездени војни“ се објавени во HD верзии и пристигнуваат на најпознатите светски сервиси и репозиториуми. Овој пакет се нарекува „Star Wars Digital Movie Collection“ и од 10 април ќе биде достапен на Google Play, iTunes, Xbox Video.

Цел пакет може да се купи по цена од 89 американски долари на Google Play, а постои и опција за купување на поединечен наслово со цена од 19.99 долари. Ако сакате да купите од iTunes, може да имате проблем. Најсигурно ви е да отворите американски профил и така да купите филм од iOS.