Ново научно истражување покажало дека постарите луѓе кои одат побрзо живеат подолго.

Научниците од унинверзитетот во Питсбург ги анализирале податоците собрани во девет различни истражувања во кои се бележила брзината на одење на старите луѓе од 65 години.

Во истражувањата се собрани информации за повеќе од 35.000 луѓе кои живеат сами, а научниците откриле дека брзината на одење на учесниците може да укаже колку некој ќе проживее.

Во статија објавена во професионалното списание Journal of the American Medical Association, авторите на истражувањето напишале дека „одењето бара енергија, контрола на движењата и поддршка и користи многу органи на телото - срцето, белите дробови, циркулацијата, нервниот и мускулоскелетниот систем“.

Истражувачите, исто така, заклучиле дека брзината на одењето претставува едноставен показател на здравјето на старите луѓе, додека едно друго истражување покажало дека одењето може да го успори пропаѓањето на когнитивните функции кај старите луѓе.