На четиригодишниот Зек му било дијагностицирано пореметување на половиот идентитет, а тој сам е уверен дека би требало да биде девојче, а не момче.

„Еден ден се сврте кон мене и ми рече: ‘Мамо, јас сум девојче’, рече Тереза Ејвери, мајката на петгодишниот Зек, кој иако е роден како момче, минатите година дена живее како девојче. „Претпоставив дека Зек минува низ некоја фаза и дека брзо ќе му помине, но работите станаа сериозни затоа што набргу почна да се лути кога за него се зборуваше како за момче“, продолжува Тереза.

Зек до третата година сакал се што сакаат момчињата, но одеднаш почнал да гледа цртани филмови кои повеќе ги сакаат девојчиња и почнал да се облекува во женска облека. По тоа, на Зек му е дијагностицирано пореметување на половиот идентитет со што стана најмладата личност која е дијагностицирана со такво пореметување. „Лекарите ни кажаа дека иако има тело на момче, неговиот мозок му кажува дека е девојче“, велат родителите на малиот Зек.

Тереза Ејвери и нејзиниот сопруг Дерен се плашеле на проблемите со кои нивниот син би можел да се соочи во училиштето, но таму му била пружена поддршка. На децата им е кажано што му се случило на Зек, а тие тоа го прифатиле без проблем. Во училиштето дури е направено унисекс ве-це за Зек да нема додатни проблеми.

Зек веќе година дена живее како девојче, носи фустанчиња и се гордее со своите руси плетенки. „Ми недостига мојот Зек како момче, но повеќе од се сакам да биде среќен. Одлуката за во иднина му ја препуштаме нему. Ако во некој момент се предомисли и посака пак да живее како машко, ќе го поддржиме баш како и сега“, вели мама Тереза, додавајќи дека многу семејства го имаат истиот проблем и дека мораат да знаат дека постои некој кој може да им помогне.