Знаете ли кој се може да биде кандидат за американски претседател?

Американците имаат кандидат кој е подготвен да покаже се, но во буквална смисла на зборот. Њујоршкиот „гол каубој“, Роберт Бурк е еден од кандидатите, кој целосно отстапува од остатокот на угледното општество.

Изведувачот од Тајмс Сквер, кој во јавноста редовно се појавува облечен само во чизми, каубојски шешир и гаќи, се подготвува за претседателска трка.

„Мојата кампања е желба и подготвеност да застапувам поинакво мислење. Знам што се е потребно да се води успешен бизнис. Покрај тоа, мислам дека е јасно дека немам што да кријам“, саркастично коментирал Бурк.

Бурк во претседателската трка ќе влезе како независен кандидат, но сепак се чуди на премалата поддршка од републиканското избирачко тело, со оглед на тоа што неговата кампања сепак има допирни точки со програмата на републиканците. Потсетуваме дека Бурк порано сакал да стане и градоначалник на Њујорк.

Бурк е само еден од 300 помалку познати и слабо експонирани претседателски кандидати во Соединетите Американски Држави.