Tребалo дури 26 години во дијамантниот рудник во Rio Tinto Argyle во западна Австралија да се пронајде таков редок примерок...
Австралиската рударска компанија ископала необработен розов дијамант со големина од 12.76 карати, што го прави најголемиот дијамант од таков вид некогаш пронајден во таа земја.
Дијамантот го нарекле Argyle Pink Jubilee и испратен е во Перт каде во следните 10 дена ќе биде обработен и полиран пред да се предаде во рацете на меѓународните експерти на проценка. По оценката на стручните очи, ќе следува светска турнеја и изложба, а на крајот од годината, компанијата сака да го продаде на аукција.
Инаку најскапиот розов дијамант во историјата е со големина од 24.78 карати и е продаден во 2010 година, за рекордни 46 милиони долари, а се проценува дека новото австралиско откритие може да постигне барем половина од својата вредност.
