Кинески репортер од "Shangai Evening Post" раскажа потресни работи за фабриката во Таи Јуан каде се произведува новиот iPhone 5...

Новинарот успеал да се претстави како обичен граѓанин и така лажно почнал да работи во фабриката, која ја опишува како ужасно место. Веднаш откако бил примен бил испратен на "интензивен седумдневен стаж". Во тоа време му покажуваат каде ќе спие, каде ќе се храни и се разбира како да учествува во производството на iPhone 5.

Работев само ноќна смена, која требаше да започне на полноќ и да заврши во 6.00 часот, но таа секогаш траеше повеќе. Спалната соба беше ужасна, исполнета со ѓубре, смрдеа и човечка пот. Кога ја отворив гардероба за да ги ставам алиштата од внатре излегоа стаорци. Постелнината, која им се дели на новите работници беше ужасно валкана со пепел ", пишува репортерот, чие име е задржано во тајност.

"Кога ќе почнеш да работиш ќе правиш само она што ти се вели", му рекол контролор на новинарот. Во фабриката имало огормна бучава од машините и мирис на пластика.

"Овде се произведува новиот iPhone 5 и ти треба да се гордееш дека си дел од овој процес", му рекол уште супервајзерот.

Репортерот на "Shangai Evening Post" издржал само пет дена во фабриката.