Новиот тренд кој зазема се поголем замав на апликациите за споделување на фотографии е #usie, односно групна selfie фотографија...



Досега знаевме само за терминот selfie и го категоризиравме во сите индивидуални и групни фотографии, но #usie е новиот тренд кој би можел да донесе поголема вредност, според Мичел Ен Страхилвизт, професор по маркетинг на универзитетот Golden Gate во Сан Франциско.

„Usies е растечки тренд и мислам дека има многу поголема социјална вредност отколку selfie. Тоа се волшебни моменти кои ги споделуваме со други луѓе“, истакнува Мичел.

Зборот #usie или понекогаш #ussie се појавува уште од април 2013 година, судејќи според Бен Зимер, извршниот директор на страницата vocabulary.com и колумнист на Волстрит Џурнал.

Ако мислите дека тоа е само нешто моментално, проверете го хаштагот #usie на Instagram и се ќе ви биде јасно. Наредниот пат кога се фотографирате со некого користете хаштаг #usie.