Студентката Доминик Харисон-Бентсен (22) од Велика Британија ја изгубила својата кредитна картичка и немала доволно пари да се врати дома...



Во овој тежок момент на девојката и пришол бездомникот Роби, нудејќи и ги сите пари што ги има за да може да си плати такси. Доминик не ја прифатила неговата понуда, но не го заборавила неговиот гест.

Импресионирана од желбата на Роби да и помогне, таа сакала да му се оддолжи и преку социјалните мрежи започнала акција за собирање на парични средства и да му помогне да не мора да живее повеќе на улица. Излезе дека Роби не и помогнал само нејзе, туку бил познат потоа што им ги враќал изгубените паричници на луѓето и им го нудел својот шал за да се стоплат кога им е студено.



Доминик собрала 10.000 фунти.

„Благодарност до сите што учествувале во ова и овозможија акцијата да собере голема сума на пари. Навистина е инспиративно и охрабрувачки гледајќи колку се грижите за другите. Ви благодарам на вашите пораки со поддршка. Му ветив на Роби дека ќе ги испечатам за да ги залепи на ѕид и да си ги чита во својот нов дом. Ви благодарам што му го променивте животот на овој човек. Ова е најдобриот божиќен подарок што можеме некому да го дадеме“, се заблагодарила добронамерната студентка.