Група млади шведски научници за прв пат во историјата, испратиле крофна во вселената...



Вкусната крофничка одлетала 32 километра од Земјата со помош на метеоролошки балон, лансиран од Акима, 50 км од Осло, Норвешка. Патувањето со крофната низ стратосферата го изведувале браќата Александер и Бенџамин Џонсон со пријателите, кои цел потфат го снимале и видеото го објавиле на социјалните мрежи.

„Отсекогаш ме интересираа приказните за вселената, а сакам и фотографија. Кога одев на училиште често си играв со хелиумски балони“, раскажал Александер, додавајќи дека тој и брат му постојано сакале да изведуваат луди експерименти.

„Така дојдовме до идеја да испратиме крофна во вселената“, вели авантуристот Александер.

Својот подвиг го оствариле во Норвешка, каде дозволите за летање се бесплатни, за разлика од Шведска, каде чинат околу 1.245 долари. Крофната летала неколку часа, со која поминала 137 километри, пред да падне во морето, каде ја собрала крајбрежната стража.