Моментално сме во фаза на технолошкиот и општествен развој со нагласок на сите поголема транспарентност на информациите...



Компаниите денес ги прегледуваат профилите на потенцијалните кандидати на LinkedIN, Facebook и Twitter, бараат информации и интеракции на кандидатите, за да ги разберат подобро нивните ставови, интереси, итн. Ова се 4 факти поврзани со вработувањето:

1. Се помалку расположиви работни места. Ова е извесно и сега, а ќе се продолжи и понатаму. Влијанието на технологијата, автоматизацијата, напредните компјутери, се факторите кои придонесуваат за намалување на работните места.

2. Се поголема конкурентност на пазарот на знаење и работа. Расте знаењето на кандидатите, степенот на образование, но и очекувањата од кандидатите да имаат повеќе знаење.

3. Плата по учинок, а не по времето поминато на работа. Моменталните бонус модели за повеќето вработени се неефикасен механизам за управување со учинок. Прашање на време е кога ќе добиете плата како резултат на некои проекти тој месец и постигнување на резултати. Сигурно ќе постои и поделба на платата на фиксен дел и променлив дел, зависно од учинокот. Ова веќе постои во повеќето продажни позиции, но во поблаг облик.

4. Се повеќе податоци и поголема транспарентност на истите. Во иднина ќе знаеме уште повеќе информации едни за други, какви проекти сте правеле досега, со каков успех, кои се вашите вештини. За се што правите ќе постојат оцени и потврди од бројни сораоботници, за тоа каков е вашиот стил на работа, комуникации, колку сте брзи, продуктивни, итн. Тоа ќе ја дефинира вашата кариера, плата и статус.