Парите се дефинитивно важен фактор во нашиот живот, а за тоа најмногу се свесни оние што се потрудиле повеќе за да ги заработат...



Некој ги има повеќе, а некој помалку. Секој што успеал, си има сопствен таен рецепт за тоа и наместо да им завидуваме на богатите, покорисно би било да го следиме нивниот пример. Сам Вилкин се позанимавал со начинот на живот на богатите. Во својата книга „Wealth Secrets of the 1%“  тој ги опишува карактеристиките што се заеднички за сите богати луѓе.

„Ако претпоставиме дека целта ви е да се осигурате до отој степен што и вашите потомци ќе имаат удобен живот. Кој ќе биде вашиот прв чекор? Спротивно на очекувањата, тоа не би требало да биде банкарска работа“, објаснува Вилкин.

Сем советува дека е важно да се трудите да бидете најдобри во својот бизнис за да успеете, но уште подобро е да бидете уникатни. Да имате монопол во нешто денес е многу потешко одошто било во минатото.

„Ако ги согледате малку поубаво работите, тајната е во иновацијата. Значи, успехот е последица од храброста да ризикувате со нешто што навидум нема потенцијал, но ако паметно пристапите кон работата, парите неминовно ќе ви дојдат во џеб. Совршен пример за тоа се денешните технолошки волшебници од Microsoft, Google и Amazon - кои немаат природна конкуренција“, заклучува Вилкин.