Научниците откриле нов вид на диносаурус со таинствена перка на грбот, но не знаат за што перката ја користеле...

Новооткриениот диносаурус (Concavenator corcovatus), припаѓал на групата диносауруси - тероподи, а се одделува од другите диносауруси по пршлените, кои се пет пати повисоки од другите и се наоѓаат на половина од неговиот грб, во облик на триаголна перка.

"Немаме поим зошто служела", истакнал Франциско Ортега од мадритскиот универзитет, кој го предводил тимот на научници кои го пронашле костурот на тој диносаурус во шпанската област Лас Хојас, пренесува New Scientist.

"Таа перка на грбот е едноставно чудна", додал Роџер Бенсон од универзитетот во Кембриџ. Ортега претпоставува дека необичниот диносаурус во перката собирал енергија.