Ново американско истражување докажа дека ако заспиеме по секс, тоа значи дека сме вљубени во партнерот, пишува весникот "Дејли мејл"...
Истражувањето било направено од тим на психолози од универзитетите во Мичиген и Пенсилванија, предводени од Даниел Кругер.
Во експериментот учествувале 456 волонтери, кои преку интернет пополниле анонимни формулари за своите сексуални искуства. Испитаниците требало да одговорат на прашањата "кој прв заспива по секс" и "кој заспива прв без секс".
Од анализата било видено дека партнерите кои паѓаат во сон по сексот, откако ќе се разбудат се многу склони кон нежност и вербална комуникација. Истражувачкиот тим утврдил дека жените почесто заспиваат по сексот.
Психолозите објаснуваат дека мажите остануваат будни по сексот со цел да и побараат на партнерката нов акт, откако ќе ги обноват своите сили.
Според Даниел Кругер репродуктивните стратегии на човекот не завршуваат со крајот на половиот акт. Тие продолжуваат и диктираат специфично однесување и по него, пишува весникот.
