Иако богатите луѓе сега ќе можат да уживаат на патување во вселената, некои од задоволствата на кои се радуваме на земјата, остануваат невозможни во отсуство на гравитацијата...

Експерти од НАСА, поддржани од своите руски колеги, го демантираа митот дека сексот е можен во вселенски услови. Според американските експерти досега историјата нема регистрирано податоци во кои некој се решил на тоа во вселената.

Русите исто така изјавиле дека немало регистрирани обиди за сексуален однос од страна на астронаутите.

Експертите тврдат дека постојат многу причини сексот да биде "невозможна мисија". Од една страна астронаутите никогаш не остануваат сами. Тие се под постојан надзор на повеќе камери.

Исто така сексуалниот однос е невозможен поради физиолошките потешкотии со кои би се сретнале партнерите во вселената. Меѓу нив е намалувањето на крвниот притисок.

Космосот не е погодна средина и за забременување. Експертите тврдат дека радијацијата ги стерилизира женските ембриони. Тоа ги прави жените неплодни.

Истражувањата со бремени глувци на вселенски шатл, покажуваат дека оваа средина не е погодна за развој на потомство.