... и други митови за неверството во кои жените веруваат.

Ако некогаш сте се посомневале дека партнерот ве изневерува, а потоа, кога отворено сте го прашале, како одговор сте добиле: „Смири се да ти објаснам“ или „Ма, ајде, не си нормална“ или „Немој да си таква“, или како и да заврши вашиот разговор, со жолчна расправија или страсен бакнеж, вашите сомнежи најверојатно се биле оправдани.

„Јас ќе го променам, со мене ќе биде поинаков“... Многу е лесно да си направите илузија, дури и кога станува збор за некој кој целото ваше друштво (вклучувајќи ве и вас самите) знае дека ја изневерил секоја девојка со која бил во врска пред вас. Пред сериозно да се вљубите, бегајте колку што можете подалеку од него. Немојте да губите време, сите ваши претходнички веројатно ја имале истата идеја - дека со нив ќе биде поинаков.

„Жал му е поради тоа што се случило“... Пред да донесете одлука што понатаму и дали воопшто има „понатаму“, запрашајте се дали се кае што ве изневерил или само жали што вие сте го откриле. Луѓето грешат, можеби навистина во прашање бил само момент на невнимание, па ако чувствуват дека на вашиот однос треба да му дадете уште една шанса, сторете го тоа. Но, ако имате и трошка сомнеж дека единствено жали затоа што не бил доволно внимателен, па вие сте го откриле тоа, време е да продолжите понатаму.

„Ќе знам ако (повторно) ме изневери“... Ова е донекаде точно. Ќе знает. Ако сакате да знаете. Но, ако изберете да „замижете“, дали од љубовта која што ја чувствувате кон него или од некои други причини, ништо нема да ви биде полесно отколку да се лизнете во тоа „незнаење“. И што е најчудно, иако делумно секогаш ќе бидете свесни дека сте во заблуда, грчевито ќе се држите до истата, како тоа да е единственото што ви преостанува.