Точно 10 091. Со толку мажи била австралијската проститутка Гвинет Монтенегро...

Неодамна таа издаде книга "10 000 мажи и нагоре", во која раскажува за своето минато како девојка на повик, пишува британскиот весник "Дејли телеграф".

Гвинет ги предлагала своите услуги во сите делови на Австралија и често земала дрога. Во книгата таа раскажува за реакцијата на нејзиното семејството и најблиските, кога тајната на нејзината професија излегла на виделина. Дел од роднините со кои не била блиска, престанале да комуницираат со неа. Некои нејзини пријателки биле изумени и исто ги прекинале контактите со неа.

Монтенегро раскажува, дека имала и врвови и падови во минатото, таа дури станала жртва на брутално силување. Гвинет се обидела да си ја врати самодовербата со секс за пари. Сепак таа нагласува дека, тоа не е валидно кај сите секс работнички.

"Секој треба да биде одговорен за своите избори, секој се справува со тешкотиите и предизвиците на поинаков начин", вели таа.

Гвинет на моменти заработувала и по 2 илјади долари, но била осамена и имала само неколку пријатели.

"Живеев двоен живот, во еден момент бев нормална девојка, а во друг носев луксузни фустани и секси облека", вели Монтенегро.

"Најубаво искуство ми беше кога едно момче ме изнајми за друштво на Бора Бора, тој ме третираше како човечко суштество и го искористив тоа за да се одморам", споделува Гвинет.

На 29 години таа ја променила својата професија и станала пилот, но нејзината нова професија не траела долго, таа ја загубила лиценцата поради здраствени проблеми со бубрезите.