Кога зборуваме за изразување на емоции, на мажите тоа им е најтешка работа...



За разлика од вљубените жени кои не престануваат да зборуваат за тоа, тој исто така не престанува да размислува. Доколку сакате да потврдите дека вашиот партнер е навистина вљубен во вас, читајте меѓу редови, ние ќе ви помогнеме. Ова се мали и важни знаци кои откриваат дека навистина ве сака.

Ви испраќа смешни пораки. Колку повеќе вакви пораки ви испраќа, толку посилни се неговите емоции. Пораките со слатки животни со цитат, некој виц или линк од некој текст што би ве интересирал се всушност знак дека постојано мисли на вас и сака да ви покаже дека знае што сакате и што ве интересира.

Бара совет за облекување од вас. Во моментот кога бара совет од вас што да облече, бидете сигурни дека сте му важни.

Ви се јавува без причина. Мажите користат телефон во три ситуации - за работа, за договарање и да слушнат нечиј глас. Ако не сте му колешка или пак немате договорен состанок, бидете сигурни дека станува збор за третото, то ест, нетрпеливо чека да ве слушне и види.

Пријателите се шегуваат со него за вас. Кога ќе слушнете како пријателите се шегуваат со него поради вас, бидете сигурни дека станува збор за љубов. Мажите не ги споделуваат интимните моменти меѓусебно, освен во две ситуации - секс за една вечер или вистинската љубов.

Прави планови однапред. Ако ви предложува дружење за утре, задутре или за време на викенд, бидете сигурни дека е вљубен. Ова е знак дека ужива во вашето друштво и нетрпеливо ја чека следната авантура во која сте вклучени само вие двајца.