Знаеме на што помисливте, но не станува збор за зборовите „те сакам“, ниту за истражувачки трикови од експертите...



Се работи за искуството на една жена, која ги употребувала овие 4 волшебни зборови во стресните денови и врската со сопругот ја издигнала на ниво на совршенство.

Корин Милер е британска блогерка и таа одлучила да го сподели своето животно искуство со своите фанови, кое во нејзиниот брак донело среќа и хармонија. Корин работи во голема компанија, во одделот за човечки ресурси и нејзината работа се засновува врз психолошки пристап кон работниците - сето тоа со цел да завладее хармонија на работното место.

Нејзиниот сопруг Крис работи многу стресна работа и своите фрустрации од работата често ги празни во својот дом. За време на една расправија во која се жалел на ситуацијата во канцеларијата, поради нервоза го подигнал тонот и се истурил врз својата сопруга, но таа не сакала да продолжи со дискусијата, затоа што лесно ќе се претворела во расправија. Таа само го прашала: „Како можам да ти помогнам“.

Кога ги изговорила овие волшебни зборови, Крис престанал и се опуштил. Потоа се извинил и се заколнал дека никогаш повеќе тензиите од работа нема да ги носи дома. Воодушевена од овој случај, Корин одлучила да ја употребува оваа фраза секогаш кога ќе почувствува дека ситуацијата излегува од контрола и на нејзино изненадување, волшебната реченица секогаш ги смирувала тензиите. Своето искуство го споделила со своите пријателки, а подоцна и со своите фанови. Повратните информации од оние со кои ја споделила оваа тајна формула, биле одлични од сите мажи и жени.

Што има магично во оваа фраза?

Четирите волшебни зборови претставуваат вредност и вие со нив му покажувате на вашиот партнер дека се грижите за него. Покажувате разбирање и свесност за она што го минува, сочуствувате со ситуацијата и ќе му бидете поддршка за се што минува.

Следниот пат кога ќе се расправате, прекинете ја тензичната ситуација и кажете: „Како можам да ти помогнам“.