Група ентузијасти и фанови на Хари Потер денеска го објавија првиот број од „Гласот на Хедвиг“, прво македонско Хари Потер списание...

„Гласот на Хедвиг“ е името на новото електонско (и бесплатно) списание на македонски јазик, инспирано од светот на Хари Потер. Првиот број на списанието излезе денеска, на 7 август, точно 1 минута по полноќ.

Списанието може да се разгледа на Фејсбук, во вид на фотографии, да се прочита директно на Scribd или, доколку сакате, постои можност и за симнување од директен линк.

Списанието е идеја на група фанови на Хари Потер, кои себеси се нарекуваат „Армијата на Роулинг“ (Роулинг е авторката на Хари Потер серијалот), а го уредуваат и пишуваат заеднички, потпишувајќи се со псевдоними кои исто така имаат некаква врска со универзумот на Хари Потер.

Датумот 7 август е избран намерно, така што денот го означува бројот на книги во Хари Потер серијалот, месецот го означува бројот на филмови, а последните два броја од годината ја означуваат возраста на која учениците заминуваат да учат магија во Хогвортс.

Списанието можете бесплатно да го погледнете на неговата Фејсбук страница.