Трејлерот за македонскиот филм „Максим“ на Кирил Трајковски е веќе објавен, а пролетва се очекува и премиера но, амбициите на Трајковски е да се посетат што повеќе фестивали...

Работата на овој филм е започната во 2009 година, но бидејќи финансиите биле покриени само од страна на режисерот Трајковски се одложуваше и неговата завршница.

Приказната во филмот е за дете по име Максим, кое подлегнува на љубопитноста и заглавува со порок што го прогонува низ остатокот на животот.

„Приказната не се базира на вистинит случај, сме гледале и досега филмови со слична тематика. Сакав да покажам колку може да се одрази една погрешна постапка и невнимание врз некого. Од филмот може да се извлече и поука дека некои грешки во животот и не можат да се поправат“, вели Трајковски кој покрај режисерската палка во филмот има и улога.

Филмот има три клучни локации на дејствието, а тоа се Македонија, Бугарија и Индија.

Изработен е под капата на Мајаки продукција во соработка со Токсикологија Подвижни Слики и Протеус, за монтажата се погрижи Огнен Шапковски, музиката е на Скит Скитара, анимацијата на Вања Шереметковски, а дизајнот на тимот од Вижн Мејтс.