Струминиот гроб се наоѓа во близина на градот Струмица има мавзолеен изглед и се состои од 9 слоеви делкан бигор. Гробот е висок 230 см, широк 240 см и долг 400 см.
За настанувањето на гробот постојат три легенди:
1. Гробницата припаѓа на Струма, сестра на кралот Марко.
2. Гробницата припаѓа на Персеј, принц кој бил во родсво со Александар Македонски.
3. Гробницата припаѓа на Струма, ќерка на некој заповедник на Словените во Струмичката област.

Последната легенда, која е и најприфатена, вели дека градот бил опсаден од силна Византијска војска, која подолго време не успевла да го освои градот. Тогаш се случило предавството на Струма, која била вљубена во византијскиот војсководач и му ја открила тајната за неосвоивите Цареви Кули.
Тајната се состоела во тоа што потковиците на коњите на византијската војска требало да бидат заковани наопаку. Со откривањето на тајната, коњите лесно ги искачиле стрмните карпи и ја освоиле тврдината, а таткото ја проколнал ќерка си кога ќе умре, земјата да ја исфрла до 9 пати. Деветте слоеви делкан бигор легендата ги поврзува со деветте исфрлања на Струма.
Но, дали една од овие легенди е точна или гробот си има своја сосема друга историја, е сеуште непознато.

Цареви кули над Струмица кои се во фаза на реставрација.

Гробот на Струма.