Интернет страницата на претседателот на Македонија Ѓорѓи Иванов вчера е нападната од хакери од Косово.

„Во име на албанскиот народ. Немојте да мислите дека Македонија е под контрола на антимуслиманите. Македонија е само име, земјата е Албанија. Ние сме доволно силни да ги уништиме сите антимуслимани. Во име на Алах. Алах е еден“, стои во пораката.

Набргу по нападот страницата е вратена во нормално функционирање. Последните неколку дена се води вистинска војна меѓу македонските и албанските хакери.

Прво беше нападната интернет страницата на македонскиот државен просветен инспекторат, од страна на албанските хакери, а потоа македонските хакери возвратија напаѓајќи ја интернет страницата на Албанија.