Есма Реџепова и Влатко Лозановски ќе ја претстават нашата земја на 58 натпреварување за Песна на Евровизија.

Меѓутоа, ние дополнително ќе треба да избереме со која песна Реџепова и Лозановски ќе ја претстават Македонија во шведскиот град Малме од 14 до 18 мај наредната година.

Македонската државна радио-телевизија соопшти дека одлуката нашата земја следната година да биде претставена од кралицата на ромската песна и македонската поп ѕвезда ја донеле затоа што веруваат дека со овој „необичен спој на искуство и младост оваа земја ќе има единствен настап и достоинствено претставување пред европската и светската јавност“.

Песната која Есма и Влатко ќе ја изведат во Малме ќе биде претставена во февруари наредната година.