Голем хуманитарен концерт "Со хуманост кон светлината" ќе се одржи вечерва, на ден пред роденденот на нашиот трагично починат пејач Тоше Проески...
Концертот ќе се одржи во салата Борис Трајковски во Скопје. На концертот песните од Тоше ќе ги промовираат Нина Бадриќ, Тони Цетински, Аки Рахимовски, Калиопи, Борис Никовиќ, Бојан Маровиќ, Јелена Томашевиќ и Елена Ристеска. Приходите од продажба на билетите ќе одат за доведување на електричната мрежа во манастирот Св. Преображение во Крушево, а организаторите на концертот се Меѓународната Фондација Тоше Проески, Владата на Република Македонија и ЕВН Македонија.
За да се одбележи двегодишна од неговата смрт, за неговиот роденден излегуваат досега необјавени песни, а Тоше неодамна доби и своја ѕвезда. Нејзиното име е Тодор - Тоше Проески, а членовите на неговиот фан клуб одлучија да купат телескоп, преку кој сите оние кои ќе дојдат во Крушево да го прослават неговиот роденден, ќе можат да ја видат ѕвездата која го носи неговото име.
