Иако многу нејзнини колеги веќе се редовни пациенти кај пластичните хирурзи, актерката Гвинет Палтроу сака достоинствено да старее.

Американската актерка ја краси насловницата на новото издание на Harper's Bazaar, а прозбори за тоа како се снаоѓа со стареењето, за својата посебна исхрана, но и бракот со фронтменот на Coldplay.

„Ги сакам своите брчки. Не ми се допаѓа Botox-от“, призна 39 годишната Гвинет Платроу. Освен тоа, призна дека ужива во храната, а тајната на нејзината линија е редовна детоксификација.

Освен во храната, ужива и во бракот со Крис Мартин. „Мислам дека се вљубуваш и одљубуваш и одиш понатаму и секојпат кога ти е тешко откриваш нешто ново и станува се подобро. Во брак сме повеќе од осум години и секогаш ни е се подобро и подобро“, вели познатата актерка.