Тие се на листата на најпожелни парчиња во орманот на секоја жена, и иако професионалците постојано предупредуваат на штетноста која ја имаат по здравјето, жените едноставно не можат да им кажат НЕ на потпетиците. Но, најновиот модел на потпетици кои пристигаат следната година ќе ги привлечат дури и оние кои не се големи обожавателки на вртоглави потпетици, затоа што одењето во нив гарантира еден конфекциски број помалку.

Моделот чевли наречен Antelope ќе комбинира слабеење и стил, тврдат произведувачите, а истражувањата кои се спроведени при осмислување на моделот покажале дека месец дена носење резултира со едне конфекциски број помалку.

Моделот на чевли е дизајниран така што за време на одење во нив телото се движи еднакво како при одење по песок, при што мускулите на нозете, задникот и абдоменот работата за да го одржат телото стабилно, а личноста при тоа троши калории.

Antelope моделот има уште една голема предност пред другите чевли со потпетици, а тоа е што работи на убавото држење, односно ја засилува карлицата и ги растеретува колената и зглобовите од напорот предизвикан од погрешното држење.

„Antelope High Heel помага во согорување на калории, подобар тонус на мускулите и правилното држење“, рече портпаролот на брендот и додаде дека форлмулата за слабеење е многу едноставна, а тоа е согорување на поголем број калории од оној кој го внесуваме во организмот.