Британската поп-сензација, младиот Ед Ширан го објави видеото за својот четврт сингл насловен како Drunk.

Како сака да сака едно женско срце дури и по прекинувањето на врската, дознавме од албумот „21“ на британската роза - Адел.

Меѓутоа, ако сакате да дознаете како и што прави едно момче по прекинување на врската со девојка во која всушност тоа момче било вљубено, треба да го слушнете деби албумот на Ед Ширан, насловен како „+“.

Синглот Drunk (Пијан) е четвртиот сингл од првиот албум на Едвард Кристофер Ширан, момче од само 20 години. Пред тоа ги има објавено сингловите The A Team, You Need Me и Lego House.

Првите три синглови беа многу популарни во Велика Британија, искачувајќи се на високи позиции на топ листите, а интересно е тоа што самиот Ед не е во видеата, туку се појавува само на кратко.

Видеото за песната Drunk е прво видео во кое Ед „вистински“ се појавува, а раскажува за едно момче кое е осамено по раскинување со девојката, па затоа пие алкохол и разговара со својата мачка.

Ед видеото го претходно го најави на својот официјален Твитер профил, велејќи дека ќе го објави откако ќе собере 100.000 кликови на Брит линкот што претходно го постави. Погледнете.