Arctic Monkeys, Ноел Галагер, Muse, Foo Fighters, Hurts, Aдел... се во трка за престижните годишни награди кои ги доделува списанието New Musical Express (NME).
Arctic Monkeys имаат дури седум номинации, меѓу другото и онаа за најдобар британски бенд, категорија во која се номинирани уште и Kasabian, Bombay Bicycle Club, The Horrors и Muse. За титулата најдобар нов изведувач се натпреваруваат Лана Дел Реј, Tribes, The Vaccines, Wu Lyf и Foster The People.
Kasabian, Florence + The Machine и Muse се номинирани во по три категории, додека по две номинации имаат The Horrors, Hurts и The Vaccines.
Ноел Галагер, за кој веќе е објавено дека ќе ја добие престижната награда Godlike Genius, номиниран е уште во четири категории, меѓу кои се и оние за најдобар албум и најдобар соло изведувач, како и Адел. Odd Future заедно со Foo Fighters и The Strokes номинирани за најдобар странски бенд, додека Азеалија Бекнс со песната 212 се натпреварува за најдобра денс песна - во таа категорија уште номинирани се и Katy B и Justice.
Свеченото доделување ќе биде одржано на 29 февруари, а целосната листа на номинирани погледнете ја овде.
