Пејачот Адам Ламберт демантираше дека групата Queen го „усвоила“ како нов фронтмен.

Младиот пејач кој се прослави со учество во „Американскиот идол“ покрај фактот што не победи, минатата недела беше на мета на трачеви на музичкиот печат, кој пренесе дека ќе тргне на турнеја заедно со британските рокенрол великани.

Меѓутоа, се работеше за еден цитат кој е извлечен од контекст, а не вистински план Ламберт (30) да го замени Фреди Меркјури на местото пејач.

„Секоја чест на новинарите, но не одам на турнеја со Queen, само ќе настапам со бендот на едно доделување на награди“, напиша Ламберт на својот Твитер профил.

Тој додаде дека се радува на шансата да ја дели бината со Брајан Меј, но дека е „невозможно било кој, било кога да го замени Меркјури“.

Групата Queen минатите години настапуваше со Пол Роџерс.