Пејачката која крена голема „прашина“ во јавноста вели дека можеби е готова со музичката кариера.
Лана Дел Реј неодамна го објави албумот Born To Die, кој ги подели мислењата на критиката и публиката, но е на прво место на британските топ листи.
„Не мислам дека ќе напишам уште еден албум. Што би имала да кажам? Мислам дека веќе од себе ‘извадив’ се што имав“, рече американската пејачка, чие вистинско име е Елизабет Грант.
Таа откри дека Born To Die е своевидно огледало на нејзиниот поран „див“ животен стил.
„Сакав да го опишам животот од погрешната страна. Порано пиев преку секоја мерка, а сега со години немам пробано алкохол“, рече пејачката.
