Музичкиот печат пишува дека овој викенд мртвата хипхоп ѕвезда ќе „настапи“ во вид на холограм на фестивалот Коачела.

Доктор Дре е еден од хедлајнерите на тој фестивал во Калифорнија, и наводно за својот настап подготвил несекојдневен спектакл - со него на бината ќе се „појават“ 2Pac и Nate Dogg.

Со помош на најмодерна технологија, двете покојни ѕвезди на хипхоп сцената ќе „настапат“ со Дре за време на песните California Love и The Next Episode.

Холограмскиот хипхоп спектакл е закажан за недела навечер, а покрај нив двајцата, на бината вистински ќе бидат и Еминем, Виз Калифа, Ворен Џи и Снуп Дог.

2Pac е убиен во 1996 година, а неговото убиство и понатаму е неразјаснето, додека Nate Dogg почина минатата пролет на 41 година, од компликации предизвикани од мозочни удари.