Најновите истражувања покажуваат дека обожавателите на хеви метал се многу посреќни и подобро се прилагодуваат во животот, отколку љубителите на други музички жанрови...



„Металното здравје ќе ве излуди“ (Metal health will drive you mad), инсистирал американскиот бенд „Quiet Riot“, кој со првиот музички албум успеал да стигне до насловна страница во 1983 година.

Истражувачи откриле дека хеви метал ентузијастите што живееле со мотото „секс, дрога и рокенрол“, биле заштитени од негативни последици од ризичниот живот токму поради „металниот“ идентитет. Со испитувањето за животите на младите луѓе, утврдено е дека оние што слушаат хеви метал се многу понапредни со сфаќањата и среќното стареење на овие љубители може да се објасни со нивната смисла за заедништво.

Поддршката на опкружувањето е клучен заштитен фактор за време на проблематичното растење. Фановите и музичарите чувствувале прирпадност во металната заедница и можеле да почувствуваат силни емоции со луѓето од слични животни стилови. Иронично е тоа што хеви метал музиката од 1980 година се сметала за непријател на моралните вредности и социјалната интеграција.