Британскиот пејач Џејмс Блант ќе се обиде да го собори рекордот за највисок концерт во светот.
Џејмс Блант ќе пее утре пред 150 победници на натпреварот организиран од страна на британското радио Heart FM, во авион Боинг 757. Концертот наречен Great Gig in the Sky ("прекрасен концерт на небото"), ќе се одржи на околу 12 500 метри височина, соопшти сајтот Spinner. На концертот ќе присуствуваат и гости од RSA Insurance, кои се спонзори на настанот. Heart FM е најголемата британска радио мрежа, а во минатата година бројката на слушателите се зголемила со 105 000.
