Група американски научници, користејќи генетска терапија успеала да ги заштити глувчињата од ХИВ со помош на антитела.

Научници на чело со д-р Дејвид Балтимор од институтот CIT, генетски модификувале аденовирус со кој ги заразиле клетките на глувчињата и на тој начин ставиле кодирана ДНК за антитела изолирани во крвта на заразените со ХИВ.

ДНК потоа била вградена во геномот на клетките на глувчињата каде програмирала произведување на антитела од страна на тие клетки. Антителата потоа почнале да се лачат во крвта.

Научниците сметаат дека тој пристап би можел да се примени и на луѓето.

Третманот со класична вакцина, кој се состои во користење деактивиран ХИВ, досега покажа неуспех против тој вирус кој е способен да ги „камуфлира“ поголемиот број препознатливи надворешни структури, кои пак се „мета“ на антителата.